ဝိပဿနာရှုမှတ်ခြင်းအကျိုး

မြတ်စွာဘုရားက ၀ိပဿနာရှုမှတ်နေတဲ့ ရဟန်း၊ ယောဂီ၊ လူယောဂီတွေအတွက် အားမငယ်ဖို့ မျှော်လင့်စရာ တိုက်တွန်းအားပေးထားတဲ့ သုတ်တစ်သုတ်ရှိပါတယ်။ အင်္ဂုတ္ထိုရ်ထဲက သောတနုဂတသုတ်ပါ။

ကျင့်စဉ်လေးပါးကို ကျင့်ရင် အကျိုးလေးပါး ရှိရမယ်ဆိုတာ ဟောပြထားတာပါ။ ကျင့်စဉ်လေးပါးကို တိပိဋကမင်းကွန်းဆရာတော်ဘုရားကြီးက ဉာဏ်စဉ်လေးပါးနဲ့တွဲပြီး ရှင်းပြထားတာပိုပြီး သဘောပေါက်စေ ပါတယ်။
လိုရင်အနှစ်ချုပ်ကတော့-

၁။ သုတမယဉာဏ်ဖြစ်အောင် တရားနာပါ။

၂။ ဓာရဏာမယဉာဏ်ဖြစ်အောင် နာထားတဲ့အထဲက ကျက်ဆောင်သင့်တာကို ကျက်ဆောင်ထားပါ။

၃။ စိန္တာမယဉာဏ်ဖြစ်အောင် ကျက်ထားဆောင်ထားတဲ့ တရားကို ဆင်ခြင်စဉ်းစားပါ။

၎။ ဆင်ခြင်စဉ်းစားလို့ သဘောပေါက်လာပြီဆိုရင် ဘာဝနာမယဉာဏ်ဖြစ်အောင် အနိစ္စ ဒုက္ခ အနတ္တ ၀ိပဿနာ ဘာဝနာရောက်အောင် အားထုတ်ပါတဲ့။

အဲ့လိုအားထုတ်ရင် အကျိုးလေးပါးကို ဧကန်ရပါလိမ့်မယ်တဲ့။

အကျိုးလေးပါးဆိုတာက-

၁။ သေလွန်သောအခါ နတ်ပြည်မှာဖြစ်မယ်။ နတ်ပြည်မှာဖြစ်တဲ့အခါ ကိုယ်အားထုတ်ခဲ့တဲ့ တရားတွေပြန်ပေါ်ပြီး မဂ်ဖိုလ်ကို ရသွားပါလိမ့်မယ်တဲ့။

၂။ တကယ်လို့ တရားတွေ မပေါ်ခဲ့ရင်လည်း လူ့ပြည်က တန်ခိုးကြီးတဲ့ ရဟန်းတော်တွေကြွပြီး နတ်တွေကို တရားဟောပါတယ်တဲ့။ အဲဒီအခါ " ငါကျင့်ခဲ့ဖူးတဲ့ တရားတွေပဲ " ဆိုပြီး တရားထူးကို ရသွားနိုင်ပါတယ်တဲ့။

၃။ ရှေ့က နှစ်နည်းနဲ့မရင်ရင်လည်း ဓမ္မကထိက နတ်သားတွေက တရားဟောတတ်ပါတယ်တဲ့။ ဓမ္မကထိက နတ်သားရဲ့တရားကို နာရတဲ့အခါ " လူ့ပြည်တုန်းက ငါကျင့်ခဲ့တဲ့ တရားတွေပဲ " လို့ ပြန်သတိရပြီး တရားထူးရသွား နိုင်ပါတယ်တဲ့။

၎။ ဒီနည်းသုံးနည်းနဲ့မရရင် ဘာမှအားမငယ်ပါနဲ့တဲ့။ လူ့ပြည်မှာတုန်းက တရားကျင့်ဖော်ကျင့်ဖက်တွေ နတ်ပြည်မှာ ပြန်တွေ့ကြရပါတယ်တဲ့။ အဲဒီအခါ " သူငယ်ချင်း.... လူ့ပြည်မှာတုန်းက ဒီတရားတွေ ဒို့ကျင့်ခဲ့ တယ်လေ၊ ပြန်သတိရစမ်းပါ " လို့ အချင်းချင်း သတိပေးပါလိမ့်မယ်တဲ့။ အဲဒီအခါ " အေး...ဟုတ်တယ်၊
ငါ သတိရပြီ " ဆိုပြီး တရားထူး ရသွားပါလိမ့်မယ်တဲ့။

ကဲ......ဘယ်လောက်အားရစရာ ကောင်းသလဲ။ မြတ်စွာဘုရားဟောပြထားတဲ့ အားရစရာ အားပေးတိုက်တွန်း စကားတော်တွေပါ။ လူ့ပြည်မှာ တရားထူးမရလို့ ဘာမှအားငယ်စရာ မလိုပါဘူး။ နတ်ပြည်မှာ ရနိုင်ပါတယ်။ ကိုယ်က လူ့ပြည်မှာ ကြိုးကြိုးစားစား ကျင့်ခဲ့ရင်ပေါ့။

သံသရာနဲ့ ချီပြောရရင် ကာမဂုဏ်မျိုးစုံက ခံစားခဲ့ဖူးပြီးပါပြီ။ လူ့ဘ၀ရခိုက် သာသနာနဲ့ကြုံတုန်းလေးမှာ အားထုတ်ပစ်လိုက်စမ်းပါ။ ၀ိပဿနာကို။

ရဝေနွယ်(အင်းမ)